फाउंडेशनचा उद्देश

प्रत्येक पवित्र स्थानाची संपूर्ण माहिती, इतिहास, महत्त्व, फोटो, व्हिडिओ आणि नकाशासह (Location) उपलब्ध करून देणे. भक्तांना प्रत्यक्ष भेट देण्यापूर्वी स्थानाची माहिती सहज मिळावी यासाठी डिजिटल दर्शनाची सुविधा उपलब्ध करणे.

महानुभाव पंथातील ग्रंथ, चरित्र, आरत्या, स्तोत्रे, भजने, प्रवचने आणि इतर धार्मिक साहित्य एका ठिकाणी उपलब्ध करून देणे. नवीन पिढीपर्यंत महानुभाव साहित्य पोहोचविण्यासाठी ई-लायब्ररी विकसित करणे.

श्रीचक्रधर भगवानांच्या लीळा, ऐतिहासिक घटना आणि संतांच्या चरित्रांचे डिजिटल दस्तऐवजीकरण करणे. संशोधक व अभ्यासकांसाठी विश्वासार्ह माहिती उपलब्ध करून देणे.

शिक्षण, आरोग्य, पर्यावरण, रक्तदान, आपत्ती व्यवस्थापन आणि सामाजिक उपक्रम राबविणे. गरजू व वंचित घटकांच्या सेवेसाठी विविध सामाजिक प्रकल्प हाती घेणे.

उत्सव, यात्रा, पारायण, प्रवचने, कीर्तन व धार्मिक कार्यक्रमांची माहिती आणि थेट प्रसारण (Live Streaming) उपलब्ध करून देणे. भक्तांना कार्यक्रमांचे वेळापत्रक आणि अद्ययावत माहिती वेळेवर पोहोचविणे.

मोबाईल अॅप आणि वेब पोर्टलद्वारे सर्व धार्मिक व सामाजिक माहिती एकाच व्यासपीठावर उपलब्ध करणे. ऑनलाइन देणगी, स्वयंसेवक नोंदणी, कार्यक्रम नोंदणी आणि सूचना सेवा उपलब्ध करून देणे.

"सेवेतूनच परमेश्वराची खरी उपासना" कृष्णाई सोशल फाउंडेशन ही केवळ एक संस्था नसून महानुभाव पंथातील प्रत्येक सेवाभावी मनाला एकत्र आणणारा डिजिटल सेतू आहे. या फाउंडेशनची स्थापना महानुभाव पंथीय उपदेशी तसेच नागेबाबा उद्योग समूहाचे संस्थापक अध्यक्ष मा. श्री. कडुभाऊ काळे यांच्या सेवाभावी संकल्पनेतून झाली आहे. काळे कुटुंब अनेक वर्षांपासून परब्रह्म परमेश्वराच्या चरणी अखंड श्रद्धा, निष्ठा आणि समर्पणाने पंथीय सेवेत कार्यरत आहे. अन्नदान, वस्त्रदान, ग्रंथ प्रकाशन, संतसेवा आणि विविध धर्मकार्यातून त्यांनी आपल्या परीने योगदान दिले आहे. सन २०१३ मध्ये म. श्री. नरेंद्रमुनी महानुभाव यांच्या मार्गदर्शनाखाली महानुभाव निवास कोश प्रकाशित करण्यात आला. महाराष्ट्रातील विविध आश्रम, मार्ग, मार्गप्रमुख आणि संपर्क माहिती एकत्रित करून तयार करण्यात आलेल्या या ग्रंथामुळे हजारो भाविकांना योग्य ठिकाणी सेवा करण्याचा मार्ग मिळाला. या ग्रंथाच्या चार आवृत्त्या प्रकाशित होऊन तो पंथीयांसाठी मार्गदर्शक ठरला. आजही अनेक भक्तांना अन्नदान, वस्त्रदान, औषधोपचार, संतसेवा किंवा आश्रमासाठी मदत करायची असते; परंतु योग्य माहिती आणि संपर्क उपलब्ध नसल्याने ती सेवा अनेकदा अपूर्ण राहते. ही उणीव दूर करण्यासाठी कृष्णाई सोशल फाउंडेशनची निर्मिती झाली. आमचा विश्वास आहे की... "एक व्यक्ती हजार रुपये देऊ शकते; पण हजार व्यक्तींनी एक-एक रुपया दिला, तर त्या सेवेमागे हजार हृदयांचे पुण्य जोडले जाते." याच भावनेतून प्रत्येक पंथीयाला सेवा, दान आणि समर्पणाच्या पवित्र कार्याशी जोडणे हे आमचे ध्येय आहे. या डिजिटल प्लॅटफॉर्मद्वारे वंदनीय स्थाने, आश्रम, मार्ग, ग्रंथसंपदा, धार्मिक साहित्य, सेवा उपक्रम आणि ऑनलाइन देणगी यांची सुविधा उपलब्ध करून भारतासह जगभरातील महानुभाव पंथीयांना एका सेवामंचावर आणण्याचा आमचा प्रयत्न आहे. ज्ञान, सेवा आणि समर्पण या त्रिसूत्रीवर चालत महानुभाव पंथाचा प्रचार-प्रसार, संतसेवा आणि समाजहितासाठी अखंड कार्य करणे हेच कृष्णाई सोशल फाउंडेशनचे ध्येय आहे.