स्थान

उभय अवतारांचा संबंध. १) सर्वज्ञ श्रीचक्रधरप्रभू भडोचच्या राजवैभवाचा त्याग करून रिद्धपूरकडे जाताना देउरवाड्याला आले. त्यांच्या सोबत हडपीया व सागळीया हे दोनच सेवक राहिले होते. त्यांचा येथे एक रात्र मुक्काम झाला. रात्री दोघे दोहीकडे आणि मध्यभागी सर्वज्ञ, असे झोपले होते. ते दोघे झोपेत असताना सर्वज्ञांनी सर्व अलंकारांचा त्याग करून एक वस्त्र नेसून व एक वस्त्र पांघरून रिद्धपूरकडे प्रयाण केले. (पू. ली. २०, स्था. पो.) २) रामदरणा राजा सर्वज्ञांना अचलपूरला घेऊन जात होता. त्या वेळी सर्वज्ञांना येथे थोडा वेळ आसन झाले. (ए. ली. ६१, ख.प्र.) ३) श्रीप्रभूंचे प्रतिमदी अवस्थान असताना ते येथे विहरणासाठीही येत असत. (स्था. पो. उ. प्र.)