स्थान

अवस्थान स्थान

मुख्य गावापर्यंत / पत्ता:
शेंदुर्णी हे गाव, मालेगाव-मुक्ताईनगर मार्गावर पाचोऱ्याहून पूर्वेस २६ कि.मी. आहे व पहूरहून नैऋत्येस १० कि.मी. आहे. पाचोरा-जामनेर लोहमार्गावरील शेंदुर्णी हे रेल्वे स्थानक आहे. शेंदुर्णी येथे तीर्थयात्रेकरूंच्या निवासाची सोय आहे. पाचोरा-शेंदुर्णी मार्गावर आंबेडगाव येथे पारिमांडल्य महानुभाव आश्रम आहे.

स्थानाकडे जाण्याचा मार्ग:
हे स्थान शेंदुर्णी गावाच्या दक्षिण विभागी सोन नदीच्या पूर्व काठावर पूर्वाभिमुख देवळात आहे. मुख्य प्रवेशद्वार उत्तराभिमुख आहे. सर्वज्ञांच्या वेळी येथे गोपाळाचे देऊळ होते. त्या देवळाच्या चौकातील हे स्थान होय. आज हे देऊळ 'श्रीदत्त मंदिर' या नावाने प्रचलित आहे.