स्थान

वसती स्थान

मुख्य गावापर्यंत / पत्ता:
पांढरीहून ईशान्येस साडेगाव पायमार्गे ३ कि.मी. आहे. मात्र जोगलादेवी येथे उच्च पाणी साठवण बंधारा झालेला आहे. जर उन्हाळ्यात बंधाऱ्यात पाणी नसेल तरच पायमार्गाने जाता येते. साडेगावला जाण्यासाठी तीर्थपुरीहून वाहनमार्ग आहे. तीर्थपुरी ते साडेगाव ८ कि.मी. आहे अथवा भोगलगाव, जोगलादेवी बंधारा, जोगलादेवी फाटा मार्गे साडेगावला जाता येते. हे अंतर १५ कि.मी. आहे. साडेगावला जाण्यासाठी अंबडहून एस.टी. बस सेवा उपलब्ध आहे.

स्थानाकडे जाण्याचा मार्ग:
हे स्थान साडेगावच्या नैऋत्येस अंदाजे २०१ मीटर अंतरावर गोदावरी नदीच्या उत्तर काठी भ्रमणध्वनीच्या मनोऱ्याजवळ उंचवट्यावर उत्तराभिमुख देवळात आहे. सर्वज्ञांच्या वेळी येथे मैराळाचे देऊळ होते. त्या देवळाच्या पटीशाळेवरील हे स्थान होय.