स्थान - T:राहाता D:अहिल्यानगर
वस्ती स्थान आणि अवस्थान स्थान
मुख्य गावापर्यंत / पत्ता:
पुणतांबा हे गाव, कोपरगावहून आग्नेयेस २३ कि.मी. आहे, व श्रीरामपूरहून उत्तरेस १८ कि.मी. आहे. कोकमठाणहून आग्नेयेस पुणतांबा पायमार्गे १५ कि.मी. आहे. दौंड-मनमाड लोहमार्गावरील श्रीरामपूर-कोपरगाव मधील पुणतांबा हे रेल्वे स्थानक आहे. तसेच पुणतांबा येथे जाण्यासाठी एस.टी. बस सेवाही उपलब्ध आहे. तेथे तीर्थयात्रेकरूंच्या निवासाची सोय आहे व रेल्वे स्थानकाजवळ महानुभाव आश्रमही आहे.
स्थानाकडे जाण्याचा मार्ग:
हे स्थान पुणतांबा रेल्वेस्थानकापासून उत्तरेस १ कि.मी. अंतरावर, चांगदेव मंदिराच्या उत्तरेस व रेल्वे पुलाच्या ईशान्येस गोदावरी नदीच्या दक्षिण काठावर दक्षिणाभिमुख देवळात आहे. सर्वज्ञांच्या वेळी येथे पाताळ गुंफा होती. ही प्राचीन व प्रेक्षणीय गुंफा आजतागायत सुरक्षित अवस्थेत होती. परंतु सन २००७ मध्ये झालेल्या स्थान जीर्णोद्धारामुळे या गुंफेचे अस्तित्व नष्ट झाले.
स्थान Images
