स्थान

प्रातः पूजा तथा आरोगणा स्थान

मुख्य गावापर्यंत / पत्ता:
हिरडपुरी हे गाव, पैठण-शहागड मार्गावर पैठणहून आग्नेयेस २७ कि.मी. आहे व शहागडहून वायव्येस १४ कि.मी. आहे. नवगाव ते हिरडपुरी ११ कि.मी. हिरडपुरीला जाण्यासाठी एस.टी. बस सेवा उपलब्ध आहे. नवगाव-हिरडपुरी मार्गावरील टाकळी अंबड येथे महानुभाव मठ आहे.

स्थानाकडे जाण्याचा मार्ग:
हे स्थान हिरडपुरी गावाच्या नैऋत्येस अंदाजे ८०४ मीटर अंतरावर ओळाच्या पश्चिमेस व गोदावरी नदीच्या उत्तरेस श्री. अंबादास रामराव थोरे यांच्या शेतात उत्तराभिमुख देवळात आहे. सर्वज्ञांच्या वेळी येथे ब्रह्मनाथाचे देऊळ होते. त्या देवळाच्या चौकातील हे स्थान होय. हे स्थान आंगलेगव्हाणच्या हद्दीतील आहे; परंतु पूर्वीचे गाव गोदावरी नदीच्या महापुरामुळे ओसाड झाले. सध्या हे स्थान हिरडपुरी गावाच्या हद्दीत असल्यामुळे या स्थानाचा हिरडपुरी येथील स्थानांमध्ये समावेश केला आहे.