स्थान

पूर्वी देवळाच्या आवाराचा दरवाजा या ठिकाणी होता आणि त्या दरवाजाला आडदांडी होती. बडव्याच्या घरी गृहप्रवेशाचा कार्यक्रम झाल्यावर सर्वज्ञ श्रीचक्रधरप्रभू येथे आले . आडदांडीवर लोंबता श्री चरणी आसन झाले . साधा भिक्षेहून आली. तिने सर्वज्ञांना दंडवत घातले. सर्वज्ञांच्या भाळ प्रदेशी जोंधळ्याचा टिळा लावलेला पाहून तिने विचारले, "हा जोंधळ्याचा टिळा कुणी लावला?" सर्वज्ञ म्हणाले, "बडव्याच्या येथे गृहप्रवेशाचा कार्यक्रम झाला. शेतात पुष्कळ ज्वारी पिकावी म्हणून त्याने दहीमिश्रित जोंधळ्याचा टिळा लावला आहे." (उ. ली. २६५, स्था. पो.)