स्थान

अवस्थान स्थान

मुख्य गावापर्यंत / पत्ता:
मढपिंपरी हे गाव, अहिल्यानगर-सोलापूर मार्गावरील रुईछत्तीसी गावापासून पूर्वेस ४ कि.मी. आहे. तसेच नगर-जामखेड (मांडवा मार्गे) मार्गावरील पिंपळा गावापासून नैऋत्येस ५ कि.मी. आहे. नगर ते रुईछत्तीसी २७ कि.मी. नगर ते पिंपळा २५ कि.मी. नारायणडोह ते पिंपळा १५ कि.मी. नारायणडोहहून दक्षिणेस मढपिंपरी (लोणी सय्यदमीर, कोयाळमार्गे) २४ कि.मी. आहे. हा पायमार्ग होय. मढपिंपरीला जाण्यासाठी नगरहून एस.टी. बस सेवा उपलब्ध आहे. मढपिंपरी येथे तीर्थयात्रेकरूंच्या निवासाची सोय आहे.

स्थानाकडे जाण्याचा मार्ग:
हे स्थान मढपिंपरी गावाच्या पूर्वेस अंदाजे ६०१ मीटर अंतरावर सीना नदीच्या पूर्वकाठी उत्तराभिमुख देवळात आहे. मुख्य प्रवेशद्वार पूर्वाभिमुख आहे. स्थानाच्या उत्तरदक्षिण बाजूचे दोन्ही खांब व देवळाच्या दारसंका नमस्कारी आहेत. हे देऊळ 'महानुभाव श्रीकृष्ण मंदिर' तथा 'महसाहिब' या नावाने ओळखले जाते.